Organistrum Xigantesco, se xa era grande o orixinal...

Dous membros de Corvus Corax presentando o seu novo instrumento: O Organistrum Xigantescum



Con todo o meu respecto ao seu xeito de entender un espectáculo músical, ainda que isto trata de ser máis ben unha pequena demostración, poñovos este video aquí para se cabe engrandecer máis ao que ven despois.

Entrada relacionada:
Música Medieval para ver

Dúas potencias se Saludan.

Patrick Boufard e Gilles Chabenat no Over The Water Festival

Sin Palabras, poñedeas vos...

Hai 26 años tiven unha aventura..

Non é mui normal neste blog que conte experiencias persoais fora do que é a miña relación coa zanfona pero alguén me recordou qué día era hoxe e o que significa para min.

O caso é que un dia coma hoxe 23 de Febreiro do ano 1981, contando eu con 13 aniños (polo título da entrada adiviñaredes os anos que hai pouquiño cumplín), e cursando creo, 6º curso de EGB, non sei a qué se corresponde agora pero non perdera ningun ano ata ese momento, tiven que facer unha tarea para a clase de Lengua Española, "Lengua" a secas pois aínda era a única oficial, a outra era "gallego". Resultou unha experiencia máis emocionante do que esperaba e quérovolo contar:

A tarea, imoslle chamar deberes, eran os seguintes: cada día un dos alumnos faría ao comenzo da clase un resumen das novas que vira no telediario, radio ou nos xornais o día anterior, unha exposición mui sinxela pero que garantía que alumno se fixara no mecanismo da comunicación periodística ao ter que reproducir a linguaxe dos medios e comprendela, algo que non nos interesaba en absoluto nese tempo a ningún dos compañeiros nin a min.

O dia 23, á 5 e media da tarde sain da escola e corrin coma todolos días na procura do meu bocadillo de queixo e menbrillo (marmelo?) con pan de bola co que tiña que facer acrobacias para non tiralo doce ou papalo mui quieto e mirando o "barrio sésamo" que repetía as tonterías de cerca-lejos etc, vaia burradas... Feitas as necesidades alimenticias achegueime á casa da Tia María, que cantas lendas e historias me contou ao lume da lareira. Levaba a libreta de Lengua Española, "Lengua a secas", e púxenme a escoitala radio e apuntar tres ou catro cousas que dera o parte, "parte" é como se lle chamou durante toda a posguerra ás noticias na miña casa, e ven de "parte de guerra", a verdade é que non tiña grande interese no exercicio e facía frío, quería acabar rápido.

Unha das novas que non recordo qué decía parou en seco e unha voz diferente e éxcitada chamou a miña atención: "...acabamos de recibir una noticia urgente...según se ha escuchado en la cadena Ser... la Guardia Civil ha entrado en el congreso de los diputados... parece que van armados..."
Dende ese momento gustoume máis o exercicio, apuntei alguns datos pero despois xa non seguín e so escoitei. A radio transmitía tanta excitación e confusion, cando o resto do día era un aburrimento especialmente cando María rezaba o rosario que se emitía en directo dende un convento de Madrid.

Non entendía nada, so que algo raro e importante estaba a acontecer.En canto pasou miña tía por alí quedou pegada á radio e púxose tesa, eu ,algo asustado marchei a xunto da miña nai e atopeina tamén tesa e mirando a televisión.Malo, dixen.

Poucas explicacións me deu, pero comprendín que tiña unha supernoticia para o día seguinte, ¡se é que habia clase!. E pasaron as horas e pasou xente pola miña casa. Falaban con medo de que algúns deberían pensar en marchar xa, contáronse contos de escapados, cheiraba mui mal.

Miña nai decidíu non deitarse e mirala Televisión toda a Noite. Algo oín de Tanques en Valencia, e á 1 da mañá falou o Rei pola tele. Mentras asistía ao espéctáculo acurríuseme a idea.

Tiñamos na miña casa un magnetofon a cassette "Sanyo", con micrófono incorporado ao que lle déramos moitísimo uso, moita música escoitei nel, dende o mexicano Jorge Negrete, ata todo o folk que papei nos oitenta. E tamen as cartas sonoras que ian e viñan a Suiza durante a miña época de emigrante.
Pois a idéa era: xa que queda miña nai diante da televisión toda a noite , deixolle o Magnetofón preparado, e que grabe o que vexa interesante para levalo eu á escola ao día seguinte.Seguro que arraso, a situación é excepcional e require un exercicio excepcional.

Madruguei o 24, preparei á mañanciña o texto, e decidín comenzar cas dúas novas sin interés que oira na radio da Tía María e pasar á acción cando todos pensaran que non me enterara do asalto ao congreso. Así foi, lembro as caras de sorpresa dos compañeiros ao verme sentar na mesa do profesor, co meu magnetofón "Sanyo" e ao final poñerlles as declaracións de non sei qué político recién saido por unha ventá co congreso.

A aula aplaudíu, e o profesor púxome un "9", a aínda agora me pregunto en qué fallei para non levar un "10"?


Audio dos primeiros momentos do asalto
O intento de golpe na Wikipedia
Reportaxe na Web da Cadena Ser
Gráfico en flash do asalto ao congreso
Páxina fascista sobre o mesmo asunto

Que te mato! desenchufa eso!




O que gobernou Galicia durante 15 anos dice que "persoas con boa vontade" fixeron eso de arriba.



Sigo sin entender por qué non me deron un "10"

Tobie Miller no Over the Water Hurdy-Gurdy Festival

Hai pouco faleivos dun evento de zanfonistas que se fai tódolos anos en EEUU, a Over The Water Hurdy-Gurdy Association organiza cursos no estado de Washington.
Podedes buscar a entrada picando na palabra cursos no listado de temas ou "tags" como se di no idioma interneteiro, nese artigo desvíome do tema e empezo a falar de cousas tan interesantes e divertidas como a situación política do país máis guerreeiro do mundo e para compensar o desliz aquí vos deixo este video de un pequeno concerto durante o festival do ano pasado:

Tobie Miller e Sharon Berman, zanfona e acordeón-piano respectivamente.
O tema é realmente bonito.

Pablo Lerner, Zanfonista brasileiro en Hungria.

Pablo Lerner, 16000 Km á procura dunha zanfona, sobrevoou Galicia, non parou, e chegou a Hungría onde atopou a zanfona prometida: Neste video podedes ver unha actuación improvisada xunto a Roberta ..? tocando música da sua terra, Brasil, música do repertorio do violin tradicional Nordestino.


"...En Brasil para estas músicas utilizan la rabeca, el llamado violín brasilero, simplón, gritón, llorón, pero peleón hasta las últimas, como el que te jedi. Normalmente se acompaña con triángulo o zambomba, cosa que Pablo rechaza para su querido tekerőlant. Pero no solo es de destacar sus preferencias a la hora de combinar al gordo con otros instrumentos, sino que además lo usa de manera diferente. Por ejemplo ¡y alabados seas, hermano Pablo! se permite jugar y descubrir ritmos con la manivela, escapando de la monotonía depresiva de los clásicos del Alföld como Mihály Bársony.¡Y esto solo usando una de las cuatro cuerdas de la viola!..."


Este texto está extraido dun artigo mui cariñoso sobre Pablo Lerner no foro de "el quincenal de Hungría" lee máis Aquí.

3º Encontro Coa Zanfona Contemporánea. Narón 16, 17 e 18 de Marzo de 2007.

3º Encontro coa Zanfona Contemporánea. Narón.

Espacio: Galicia / Tempo: século XXI

Obxecto: Estado da cuestión. / ¿Pregunta? Resposta: Narón 2007

Instrumento ancestral, reliquia doutros tempos e de moitos lugares, caixa de segredos ben gardados agora descubertos para aqueles interesados en saber o que se coce hoxe en día ao seu redor en Galicia.

Mostra en dous conceptos interesantes, diferentes e complementarios, mostra da contemporaneidade, frescura e dinamismo do que está a gozar este sintetizador medieval no córner de Europa.

A tradición transmitida, a reinventada e a proxectada nas novas xeracións de afeizoados, teñen nos mestres Anxo Pintos e Óscar Fernández, os máximos expoñentes das tendencias actuais da didáctica da sanfona en Galicia: Universidade Popular de Vigo e Conservatorio de Música Tradicional e Folque de Lalín, respectivamente.

Para isto presentamos dous cursos paralelos con cada mestre e dous concertos de cadanseu grupo: Lizgairo e bOnOvO, con quen se poderá contextualizar a dimensión máis contemporánea e máis viva que nunca..

Ademais, a representación teatral musicada "O cego da Xestosa", montada co gallo deste Encontro por alumnos da Escola de Teatro e da Escola de Zanfonas de Narón.

Se queres estar ao dia, se queres aprender, escoitar e desfrutar coa música e docencia da zanfona contemporánea, achégate a Narón. Participa. Lembraralo.

..............................................................................................

Concertos e teatro: 16 de marzo ás 20,30h. Auditorio de Narón.
6€ / Inscritos aos cursos de balde.

Lizgairo:
Estrea en Narón deste trío nacido coa intención de disfrutar reelaborando e compoñendo. Baseado na sonoridade de tres instrumentos sobre unha música construída en orixe para baile que dan como resultado un complexo, dinámico e vibrante diálogo sonoro.

Anxo Pintos: zanfona e violino
Rodrigo Romaní: harpa céltica e guitarra.
Xosé Liz: Bouzouqui, frauta e guitarra.



bOnOvO: trio de recente creación, proxecto musical e tecnolóxico, fusión de tres personalidades con voz propia, , con ritmos frenéticos e actitude aberta, presentan un espectáculo en directo inclasificable e imprevisible que non te deixarán indiferente.

Óscar Fernández: zanfona electroacústica, loops.
Roberto Grandal: acordeón midi.
Pulpiño Viascón: batería electrónica, serra, voz



O cego da Xestosa: entremés cómico escrito por Xavier Prado “Lameiro” (1874-1942), do repertorio do Coro de Ruada (Ourense) e adaptado especialmente para o Encontro con música ao vivo.

Intérpretes: Leandro Lamas e Cristina Mariño (Escola de Teatro de Narón)
Músicos: Alumnos de Zanfona da escola de Musica de Narón



..............................................................................................

Cursos: 17 e 18 de marzo.

Horario Curso:
Sabado: 10:30h. a 14:00h. e 16:00 a 20:00
Domingo: 10:0h a 14:30

Prezo cursos70€ / 60€ asociados ao CMTF.

Inscripción:
e-mail: i.lopez@concellodenaron.com
Fax: 981 384829
Tlfno: 981391144

Enviar Fax ou e-mail cos seguintes datos:

nome e apelidos
correio electrónico
nº de tfno .
Xustificante de ingreso na conta:

2091-0235-59-3110000031, de Caixa Galicia,
Padroado da Cultura de Naron

>>>>Reserva de aloxamento e comidas no mesmo tfno. da inscripción.<<<<<


Organiza : Padroado da Cultura do Concello de Naron e As. Do CMTF de Lalin

Encontro Coa Zanfona Contemporánea 2005 .

O Cartaz do 2005.

Encontro Coa Zanfona Contemporánea 2006.

2 Concertos mais de bOnOvO, Na Coruña

>>>Mércores 14 de Febreiro no Café Dublín [A Coruña]

>>>Sábado 17 do mesmo mes no Pub Garufa [A Coruña]

Mui ao pesar do grupo vémonos obligados a suspender esta minixira Coruñenta, ata novo Aviso....

Un Poema sobre á Zanfona, este blog e adicado ao seu autor.

Para disfrutalo, leedeo amodiño.



Moitas gracias, Rosalía.

www.gilleschabenat.com Xa era hora...

Información urxente: Acaba de ser publicada a páxina web de Gilles Chabenat:

http://www.gilleschabenat.com


Confésome fan incondicional de este zanfonista, o meu primeiro contacto con él foi hai nove anos, nun curso organizado pola AIZ Asociación Ibérica de la Zanfona. A última vez que nos vimos, foi hai un ano, él vendeume a súa zanfona de reposto, invitoume a comer, e regaloume unha botella de caña feita polo seu pai, mui rica por certo. Esto ven a conto de que hoxe mismo regalaronme outra botella a min, estoume desviando do tema....

Web mui elegante, en francés..., unha sección de audios completísima, datas de concertos, proxectos, atención á sección Bonus tracks... e que saio eu por ahí, Je, Je.

Disfrutade, e se queredes saber máis de Gilles Chabenat e publicado neste blog:
Gilles Chabenat en Zona da Zanfona