In Extremo / Fuxan os Ventos

O grupo é In Extremo, e parece que o público coñece os temas....

Colgueino no blog pola zanfona que acompaña á voz pero escoitando detidamente e sin ánimo de comparar aos grupos, o son desta peza lembroume temas de Fuxan Os Ventos, (non estou de coña) sobre todo algúns temas-himno e refírome a recursos utilizados: unha voz grave de solista, variedad de ambientes na mesma canción: Balada romántica coa zanfona/Retrouso sinxelo/Recitado, actitude seria-grave no palco, instrumentos mui antiguos (gaitas, zanfonas e a famosa trompa marina) coexistindo con outros máis modernos(baixo, guitarras).

Mágoa que non entenda nin papa do que din para falar da temática da letra.

Xulgade vos mesmos (os que oistes algunha vez a Fuxan os Ventos), e se non mirade un pouco por aquí:

Fuxan os Ventos na Wikipedia
En Ghastaspista.com
En ghastaspista.com con extractos de Audio e algún video.
Letras dos temas do 1º L.P. do grupo en "Ravachol"

Xa sei que "Fuxan" (como lles chamaban algúns) non son nin a mitade de cañeiros, pero só en apariencia, moitos emocionámonos ainda ao escoitar temas como "Fúxan os Ventos" "canción para escribir mañá", "Labregos", "O Lobo", e sin miles de watios nen subgraves, máis ben con moito compromiso e moito sentimento, de orgullo ás veces e outras de rabia diante das inxusticias.

Ás veces os parecidos entre conceptos musicais están mui escondidos detrás de ideas e actitudes con moita personalidade, pero ao final todos copiamos uns de outros... todos.