V Encontro coa Zanfona Contemporánea. Narón 13,14,15/03/2009

D 14,15

Aldea Nova

curso/stage/masterclass:

Grégory Jolivet.

relatorio do investigador da Asociación Ibérica de la Zanfona, Xulio García Bilbao.

palco aberto

D 13

Concertos/concerts:

Feira do Trece na parroquia de Sedes. 10:00h.

O dúo "Sobre Rodas" (Luís Correa “O Caruncho” e Carlos do Viso)

Aldea Nova 12:00h

• concerto didáctico do dúo Sobre Rodas


• panel de experiencias do obradoiro musical do Centro de Artesanía e Deseño de Lugo por Luciano Pérez, herdeiros do pioneiro obradoiro que fundou Faustino Santalices quen recuperou este instrumento en Galiza no século XX.

Auditorio de Narón 20:30

Grégory Jolivet. "Alt´o solo"

Xarnege quinteto transfronteirizo de Euskadi e Gascuña, compartirán palco na noite do venres.

máis información:

http://folque.com/cmn-wp/?page_id=1356

info@folque.com

+34 881 031 829

Ábrese o prazo de prematrícula en aCentral Folque Compostela

Abrése o 15 de setembro e até o 1 de outubro, o plazo de prematrícula para o acceso no curso 2008/2009 de aCentral Folque Compostela.

O proceso consta de:

1. Prematrícula
2. Proba de acceso/ audición
3. Formalización da matrícula.

As materias impartidas son:

• Canto
• Gaita
• Percusión tradicional
• Sanfona
• Violino
• Acordeón diatónico
• Frautas e requinta
• Linguaxe Musical
• Hª da música popular galega

Proceso de matriculación:

PREMATRÍCULA: Entregar o documento de prematrícula nas oficinas do Centro:
- Rúa Salvadas 22, baixo. 15705 Santiago de Compostela en horario de luns a venres: 10- 18 h
- enviando por correo electrónico o formulario web no enderezo: matricula@folque.com

Datas: entre o 15 setembro e 1 de outubro.

PROBA DE ACCESO/audición: proba de aptitude en instrumento e solfexo para determinar nivel de ingreso na sede de ensino de acentral Folque na Escola de Altos Estudos Musicais no Parque de Vista Alegre s/n. 15705 Santiago de Compostela.

Datas (por orde de chegada):
- 3 de outubro: 16 h - 20 h
- 4 de outubro: 10 h -14 h

MATRÍCULA: formalización de matrícula do alumnado selecionado na proba de acceso co pagamento no banco da cantidade total polas materias a cursar.

Datas: 6 - 17 de outubro.
O resultado da audición para o ingreso, realizarase mediante correo electrónico.

canto custa?
150 € anuais por materia + seguro escolar.

Máis información e consultas:

* correo electrónico: matricula@folque.com

* teléfono: 651 957 361

Descarga o formulario (arquivo.doc): formulario_prematricula

Tras a incertidume do último ano, abre as súas portas aCentral Folque, Centro Galego de Música Popular. Tras o éxito do desaparecido Conservatorio de Música Tradicional e Folque nunha andaina de sete anos na súa sé de Lalín, o equipo de produción e docente volve á fronte para botar a andar este novo centro ubicado no barrio de Vista Alegre de Santiago de Compostela.

As oficinas administrativas estarán na Rúa Salvadas 22, baixo e as aulas impartiranse na Escola de Altos Estudos Musicais no Parque de Vista Alegre.

Neste curso impartiranse aulas de: Canto (Guadi Galego), Gaita (Edelmiro Fernández), Acordeón diatónico (Pedro Pascual), Frautas e requinta (Roberto Sala), Percusión Tradicional (Francisco Estévez ‘Chuco‘), Sanfona (Óscar Fernández), Linguaxe Musical (Benxamín Otero), e Historia da música popular galega (Ramóm Pinheiro) aos que se lle suma a materia de Violino impartida por Quim Farinha.

O equipo de aCentral Folque garantirá a continuidade de proxectos complementarios ao ensino regular en Santiago de Compostela cos cursos monógraficos, intensivos de verán e encontros internacionais de instrumentos.

Mosteiro de Baltar.Como chegar

Para os que non saibades, aqui vos deixo un link da localización do mosteiro de Baltar.
Lugar idílico do concello de NArón, bastante ben conectado e moi preto do mirador de Meirás, con vistas magníficas sobre o golfo ártabro e a beira atlántica do Ortegal

DIÁLOGOS CON ZANFONA

diálogos con ZANFONA

FERROL.

29 Febrero e 2 Marzo

Diferentes linguaxes e estilos pero un mesmo concepto: a música contemporánea, a do noso tempo, a irreverente, a inconformista.

O centro do mundo musical está na Ferrolterra por un fin de semana.

Como escusa para traer a Ferrol a eminentes músicos do panorama actual, organízanse dous concertos moi sinalados. “Diálogos con zanfona” é o título que os engloba e ten como obxecto singular o uso deste instrumento ancestral e milenario dentro dun contexto artístico aberto e creativo onde a improvisación e tradición conviven dun xeito natural.

O cartel ábrese co concerto da Baldo Martínez Grand Ensemble e o seu “Projecto Miño”, presentando o CD do espectáculo liderado polo contrabaixista local Baldo Martínez arroupado por unha formación de 1º liña internacional –David Herrington, Chiaki Mawatari, Antonio Bravo, Maite Dono,…- que interpretarán, en clave de jazz contemporáneo, un repertorio inspirado na música de raíz das terras do Miño fronteirizo. Valentin Clastrier, colaborador na gravación do CD acompañará á Germán Díaz como zanfonistas do show.

O marco escollido será o teatro histórico de acústica impecable do Jofre en Ferrol o venres 29 de Febreiro.

Tamén aí, os virtuosos Matthias Loibner e Germán Díaz tocarán en solitario a noite do domingo 2 Marzo.

O 1º trae o espectáculo O sea, π, música ó redor de instrumentos de manivela e live looping. Matthias Loibner trae directamente de Vienna, un concerto en solitario cheo de emoción e virtuosismo.

Está organizado polo Concello de Ferrol e a Asociación de Conservatorio de Música Tradicional e Folque en Galicia, (www.folque.com).

HORARIOS:

VIERNES 29 FEBRERO. Teatro Jofre. Ferrol. 20.30 h

BALDO MARTÍNEZ GRAND ENSEMBLE. Concerto Projecto Miño.

Invitado: Valentin Clastrier

Baldo Martínez contrabajo, composición, arreglos y dirección

Maite Dono voz

Chiaki Mawatari tuba y serpentón

Antonio Bravo guitarra eléctrica

David Herrington trompeta y fiscorno

Alejandro Pérez saxos tenor y soprano, clarinete

Pedro López batería y percusión electrónica

Lucía Martínez vibráfono y percusión

Germán Díez zanfona

Invitado: Valentín Clastrier zanfona

DOMINGO 2 MARZO
Concierto. Germán Díaz / Matthias Loibner. Teatro Jofre. 20.30

Biografías concisas dos zanfonistas:

Baldo Martínez: O contrabaixista galego Baldo Martínez é un dos músicos máis representativos do jazz contemporáneo no país, na liña do Jazz europeo actual alterna a súa actividade musical entre o Jazz e a música libre improvisada. Entre os seus proxectos mas recentes,o Projecto Miño, presentado en xira realizada por Alemania e a Península dende 2005. Recentemente chamado polo lendario pianista alemán JOACHIM KUHN para o “IBERIA TRIO”, co clarinetista Louis Sclavis como invitado. Despois de fundar bandas como Clunia ou Zyklus, en 1994 creou seu propio grupo, sen descoidar colaboracións con músicos coma Kenny Wheeler, Jorge Pardo, Maria Joâo, ou Paolo Fresu.

Para a edición do ano 99 do Festival Internacional de Jazz de Guimarâes (Portugal), encargouselle dirixir o Projecto Minho. Despois de 5 anos dende a súa creación, preséntao en Ferrol co CD do traballo recén editado por Karonte Records.

Valentín Clastrier (Francia 1949). De formación clásica, chega ao instrumento cara o 1970, sen pasar polo repertorio tradicional. Compositor carismático e experimental, é o “pai” da técnica moderna da sanfona. Nos anos 80 desenrola canda o luthier Denis Siorat a zanfona electroacústica.

Autor de media ducia de discos específicos para o instrumento, ten colaborado con artistas de música contemporánea coma Louis Sclavis , Michel Godard ou Carlo Rizzo.

Matthias Loibner (Austria,1969). Zanfoneiro dende 1990 e músico universal, ten tocado con instrumentistas de tódolos continentes. Especialista en música barroca e coautor dun método para zanfona, forma parte de proxectos tan interesantes coma Zykado ou Deishovida.

Desta volta, vén a Ferrol como solista onde amosará o seu virtuosismo e capacidade coma compositor de fermosas e vibrantes melodías.

Germán Diaz (Valladolid 1978). Músico novo de consolidada traxectoria e dominador de diferentes linguaxes (compositor e colaborador para música de teatro, jazz, folk, rock, pop,…) trae ao Encontro “O sea, π”, espectáculo que xira en torno a tres instrumentos de manivela: zanfona, caixa de música e órgano de Barbaria.

valentin clastrier, maestro

valentin clastrier, maestro

A zanfona contemporánea encóntrase. Está aquí e agora. En Narón, hai unha escola de música para aprendermos do instrumento ó longo do curso e un Encontro especial, cita ineludible cada ano cos mellores especialistas do Mundo.

A 1º edición, hai catro anos, trouxo a Gilles Chabenat, un dos mestres franceses máis activos do momento e o seu espectáculo Trame (co pianista Alan Bonnin); na 2ª foi o catalán Marc Egea e a súa aproximación contemporánea e minimalista; a 3ª, centrouse en Galicia con Óscar F^ez. (Os Cempés, Bonovo) e Anxo Pintos (Berrogüetto).

Esta edición trae ao córner de Europa o máis importante zanfonista dos tempos modernos. Un artista que emprega a zanfona como medio de expresión e a levou a tal sofisticación que logo de trinta anos en activo, segue a ser fascinante e sen parangón.

Valentin Clastrier, (Francia 1949) é un músico de formación clásica. Chega ao instrumento cara o 1970, sen pasar polo repertorio tradicional e desenrola a súa técnica propia, adaptable a calquera estilo e linguaxe musical. Un revolucionario que se mergullou nos alicerces do instrumento: roda e manivela, corda frotada, baixo continuo, elementos de percusión, vibración por simpatía,... para levalo a cotas de perfeccionamento sorprendente. Inventa a novos trebellos técnicos para encher a súa creatividade.

Compositor carismático e experimental é o "pai" da técnica moderna para o instrumento. Nos anos 80 desenrola canda o luthier Denis Siorat a zanfona electroacústica.Autor de media ducia de discos específicos para o instrumento, ten colaborado con artistas de música contemporánea coma Louis Sclavis, Michel Godard ou Carlo Rizzo.

Os contidos do curso serán unha explicación práctica do máis completo método de zanfona escrito ate o momento: La vielle & l’univers de l’infinie roue-archet, ou algo así como A zanfona e o universo do infindo arco de roda.

O Encontro deste ano é un pto. de inflexión de tódalas edicións ao traer este personaxe de tanta proxección internacional. Unha dimensión pedagóxica dun maxisterio único e influínte.

E para evento tan especial, un emprazamento singular: o convento-pazo de Baltar. Os asistentes gozarán dunha fin de semana de convivencia nun edificio senlleiro no rural da terra de Trasancos.

O curso contará con 12 horas lectivas e como novidade organízase un escenario aberto para zanfonistas solistas ou en formación (tamén con outros instrumentos) con entrada de balde o sábado 1 Marzo á noite.

Con estes Encontros consolídase a aposta do concello de Narón pola difusión dun instrumento galego, europeo e medieval. Un sintetizador medieval, segredo fascinante de trobeiros e reis que con este tipo de iniciativas achégao a calquera amante da música.

Con este Encontro, o lugar que Narón ocupa no mapa, é meirande.

Vivamos como galegos, (cabróns)

Vivamos como galegos, (cabróns).

Xa sabedes que esa frase é na que se basa a última campaña publicitaria do grupo GADIS...

Olas, non é que volvera para seguir como ao principio pero é que acaban de instalarme "R" novamente, (por fin!!) e de paso que comprobo a conexión tamén quixera compartir co mundo como bon "anti-nadal" que son unha visión que tiven esta mañán:

Vivamos como galegos, (cabróns).

24 de Decembro. 2007 9:30 da mañá, esta noite é noite boa.

Será á noite porque á mañán vin unha das imaxes navideñas que máis fixas me quedarán no recordo para sempre.

Señorita X do GADIS de enfrente á miña casa disfrazada de Mr. Papá Noel versión PlayMate-light cun brazo ao cabestrillo e un ieso máis groso cas súas perniñas conxeladas facendo recados pola rúa.

Non , non a tiñan sequera escondida no almacén,
¡¡mándana á rúa a facer recados!!
¡¡exiben as súas misérias!!

¡¡Vivamos como galegos!!!

Todos os seus xefes ata chegar ao Sr. Tojeiro, (GADIS, REGANOSA, e ex-xefe meu) son uns delincuentes, e non por traicionar o espíritu do nadal, non o traicionan , ségueno ao pé da letra: "Nadal=+€" por riba de todo, dun brazo roto, dos dereitos dos traballadores, puajjjjjjjjjjjjj.

Infeliz Nadal e unha indixestión con graves consecuecias (unha "experiencia" lenta e dolorosa a ser posible) aos cabróns que promoven ou permiten abusos coma este e moitos máis que seguro non se pasean por diante da miña casa pero que os hai.

E a vós, se non sodes de esa tribu, que vos sexa leve como mínimo, e como máximo... cada quen que explore os seus límites.

O autor informa... o verán xa chegou.

Ola a tod@s, despois de estas accidentadas (informaticamente) datas teño que comunicar que o ritmo frenético que algunhas veces puidestes observar á hora de subir posts non vai continuar por un tempo.

O dano no disco duro non foi fatal máis 60 Gb dun disco externo perderon o nome, agora chámnse todolos arkivos cousas como er3444500078.wav etc. eso si é algo máis grave, levaríame séculos asocialos como estaban antes.....

teño que agradecer públicamente ao gaiteiro mac_eiro que me socorreu no momento de telo accidente. Opa iii.

Pero esa non é a cuestión, estou a cambiar de domicilio e non vou de dispoñer de conexion a internet as 24h com ata agora, aforrarei unha pasta pero no seguirei tan ao día esta bitácora zanfoneira ás veces, e simplemente como me peta outras.

Quédanme cousas que quixera comunicar urxentemente antes como que:

Recomendo encarecidamente que visitedes o blog de Oscar Picazo: http://viellektric.blogspot.com/

Que últimamente se actualiza con interesantes posts como:
Manual de zanfona 2: comprar un instrumento
ou:
Manual de zanfona 1: afinación del teclado

Segúro que haberá máis contidos que vos poidan interesar...

Outra cousa era esta:

videos, videos en youtube con zanfonas...

Nos ultimos dias-meses existe unha continua subida de videos de xentes de Hungría tocando tekero, comprobádeo poñendo tekeró no buscador de youtube e veredes a cantidade de zanfonistas e a naturalidade con que se relacionan cos demáis mortais, na igrexa, en comidas populares, en calquera dos creo que 5 festivais anuais adicados a ese instrumento... increible.

Faime pensar nunha posible Galicia na que a historia fora diferente á que foi.
Igual foi mellor así, quen sabe.

A web da AIZ renóvase, empeza con forza, que siga así.

E a última, que isto non é unha despedida, so que o ritmo baixará ou manteráse como o dos últimos dias.

Sorte.

Podémonos ver no concerto aberto de fin de curso do CMTF de Lalin en Lalin,

Con Bonovo en Xira:


29 de Xuño, Festas de San Pedro, Compostela
5 de Xulio, Festival de Ortigueira, (Proxecto Runas)
28 de Xulio, Festa da terra e da Lingua, Muiño de Pedroso, Narón
9 de Agosto, Festas de Ferrol
23 de Agosto, Festival Folk de Plasencia, Plaza Maior.

Ou con
Os Cempés en Xira:


7 / 7 / 07 Ferrol
13 / 7 / 07 Málaga
14 / 7 / 07 Cabana de Bergantiños
17 / 7 / 07 Burgos
20 / 7 / 07 Palencia
21 / 7 / 07 A Fonsagrada
24 / 7 / 07 Ourense
25 /7 / 07 Vigo
27 / 7 / 07 Cervo

04 / 8 /07 Guitiriz, Festival de Pardiñas.
10 / 8 / 07 Beluso, ( A noite do trasno)
11 / 8 / 07 Miño
14 / 8 / 07 Foz
17 / 8 / 07 O Barco de Valdeorras
18 / 8 / 07 Moeche. Festival Irmandiño.


1 / 9 / 07 Fisterra
8 / 9 / 07 Elviña (A Coruña)
15/ 9 /07 Fene

11/10 / 07 A Coruña, (Premios Opinión)

CONCERTO ABERTO _CMTF

Salón teatro de Lalin, dia 30 ás 17 horas.


Concerto do Conservatorio Folque de Lalín.

Este centro lalinense convirteuse en 7 anos de funcionamento nun referente da música galega dentro e fora do territorio. Un espazo creativo que auna a unha ampla xeración de músicos galegos adicados laboralmente á musica galega sen redundancia. O CMTF é o lugar de encontro donde agromou e aconteceu a xuntanza das Nordestinas, Marful, Os tres peixes voando da RG música, Talabarte,Duo Fernandez e Quintá, os grupos Grodan de Flo, a transformación de Linho do Cuco, os Bailes Assalto por Galiza adiante, o encontro internacional de pandeireta en Pontevedra, o de sanfona contemporanea en Narón, o encontro galego de acordeón diatónico en Ponteceso... Nel tamén agromou a empresa de documentación musical Ouvirmos,o Ciclo Trad de Pontevedra e mesmo as primeiras ideias do Circuito 4x4 ... en definitiva o CMTF de Lalín é o centro que marcou tendencia nestes últimos 7 anos na nova ética e estética da música galega. Un lugar donde se crea crítica e opinion. Desde o CMTF irradiouse a diferencia entre música popular rural e urbán, a importancia pola discografia histórica galega, a consciencia da canción de autor/a, o adxectivo "ecléctico", e a consciencia de que as palabras innovación e orixinalidade quedaron denostadas para dar paso á creación e reelaboración.

O CMTF despidese do curso dunha maneira muito especial e distinta cada ano. Nos anos anteriores o CMTF ten proxectado o documental de Pucho Boedo con a presencia de Xurxo Souto, realizado seráns, presentación de libros musicais etc.
Cada fin de curso está levado por un presentador doutra disciplina artística ou da mesma, presentadores utópicos e pouco habituais . Pasou polo Salon Teatro Sonia Levedisky, Luis o Caruncho, Celso Sanmartín, Carlos Santiago,Misha Bies Golas, Alberto Indeza, Pepa Yañez..........

O presentador deste fin de curso 06/07 é VITOR MOSQUEIRA (Mofa e Befa). Vitor interpretará a un músico fustrado que toca a guitarra, o clarinete, a pandeireta...
Contaremos tamén cunha convidada ben coñecida do centro: Mercé de Rande, coreografa galega asentada en Zurich e bailadora no espectáculo Salon de Baile de Marful. O primeiro curso que organizou MERCÉ DE RANDE en Galiza foi no CMTF baixo o título: Desinibición vocal corporal no 2001.



O concerto aberto é unha mostra do que se coce nas aulas e nos corredores do centro. Teremos oportunidade de escuitar o Combo Folque (un espazo de cada sábado ás 13h. donde calquer alumno de calquer nivel do centro ou de fora ten o impulso de tocar en coleitividade, unha jam sesion dentro do centro cada sábado), qué é o que fan os da Escola Folque Infantil, a aula de gaita, as preciosas melodias que arranxa Guadi Galego (profesora de canto) para os seus alumnos que versionaran "Laurindinha" de Chouteira con Beatriz DIaz como solista.

O concerto remata con o Combo que representou ao CMTF nas xornadas de mùsica galega na Praça del Rei en Barna. Un grupo composto polo futuro da música galega de alta calidade, talento e creatividade. Unha delicatessen final.

Auditorio Municipal de Lalín ás 21h.

Concerto do mestre gaiteiro EDELMIRO FERNANDEZ acompañado da Banda Municipal de Lalín.

bOnOvO no Festival de Ortigueira 2007.

Vexo que aínda non é público, así que fágoo eu.

Estes que vedes ahí:



Estarán no esceario do Festival de Ortigueira o día 5 de Xulio, xunto a os demáis grupos seleccionados no proxecto Runas 2007, que por certo non sei quenes son...

¿Alguén coñece a algún outro grupo seleccionado?



Aínda non teño o Disco Duro, estou deprimido... pero en catro días volvo á carga. Prometido.

¡Españoles! El disco duro... ha muerto, snif, snif.

Si, morreu.

Mañá deixareino no hospital de Discos duros a ver se lle poido rescatar algo da miña vida de estes últimos 4 anos...

Menos mal que hai uns meses fixen un backup a un disco externo.

Estou traballando dende ese disco externo.

Lembrade, copia de seguridade cada pouco tempo, non é coña.


Teredes novas de este triste suceso.

Hai que seguir...

Saudos.

Oscar.